PARTIZANI 2-1 TIRANA (Maguette 78' Mensah 92'/ Hasani 91')

Partizani ka fituar derbin e parë të sezonit përballë Tiranës. Në ndeshjen që u zhvillua në stadiumin “Air Albania”, kampionët e Shqipërisë triumfuan me rezultatin 2-1. Një ndeshje e luftuar nga fillimi e deri në fund, si në fushë nga lojtarët, por edhe në distancë nga tifozët.

Raste të shumta për të dyja ekipet, madje Tirana goditi traversën dy herë. Në krahun tjetër Abdullahu rezistoi ndaj sulmit të Partizanit deri në minutën e 78-të të sfidës, kur mesfushori Maguette “fluturoi” në ajër dhe goditi me kokë topin që do të tundte rrjetën. Në minutën e 91’ ishte Hasani që barazoi gjithçka duke sjellë festë në kampin bardheblu. Por për të “fikur” festën e Tiranës mendoi sulmuesi Mensah 1 minutë më vonë kur shënoi golin e 2-të për Partizanin.

Me këtë fitore skuadra e Partizanit shkon në vendin e 2-të me 14 pikë, ndërsa Tirana renditet në vendin e 4-të të klasifikimit me 13 pikë të grumbulluara.

Kategoria Superiore: Java e 6-të

Stadiumi: “Air Albania”

Arbitër: Eldorjan Hamiti

FORMACIONET ZYRTARE:

Partizani: Hoxha, Atanaskoski, Bytyçi, Sota, Murataj, Rrapaj, Maguette, Taipi, Mehmeti, Cara, Bintsouka. Trajner: Arbër Abilaliaj

Tirana: Abdullahu, Najdovski, Doka, Pergjoni, Hoxhallari, Hila, Jonuzi, Deliu, Latifi, Abazaj, Hasani. Trajner: Julian Ahmataj

Komenti minutë pas minute:

92' GOOOOOOOL!!! Mensah i rikthen avantazhin Partizanit

91' GOOOOOOL!!! Hasani barazon gjithçka

78' GOOOOOOOL! Partizani kalon në avantazh me anë të mesfushorit Maguette

73' E pabesueshme në "Air Albania", Partizanin e shpëton shtylla për të dytën herë

65' Taipi kërkon "çmendurinë" nga distanca, Abudallahu përsëri protagonist

51' Tirana e nis pjesën e dytë vrullshëm, Abazajn e ndal vetëm shtylla

46' Starton pjesa e dytë e derbit mes Partizanit dhe Tiranës.

45+2' Përfundon pjesa e parë 0-0.

40' Zëvendësim i detyruar për Partizanin. Sota lë fushën e lojës i dëmtuar, vendin e tij e zë Kocijan.

27' Cara humbet shansin e artë, portieri i Tiranës veprim "alla Neuer"

23' Përsëri është Latifi që kërkon golin, por topi shkon mbi traun e portës

15' Bintsouka tenton golin me "akrobaci", Partizani i gjithi në sulm

4' Latifi "ndez" sfidën, Tirana pranë golit të avantazhit

1' Starton derbi i kryeqytetit midis Partizanit dhe Tiranës në stadiumin "Air Albania"