Kombëtarja shqiptare do të luajë në orën 18:00 ndaj Moldavisë në trasnfertë, sfidë e vlefshme për Euro 2024. Një takim ku kuqezinjtë kërkojnë minimalisht 1 pikë për të mbyllur llogaritë e kualifikimit dhe për të siguruar biletën për në Gjermani. Por kur duhen edhe pak orë për të startuar kjo përballje është UEFA që ka risjellë në vëmendje një nga supergolat e Jasir Asanit. Në profilin zyrtarë të UEFA Euro 2024 është goli i ish-it të Partizanit ndaj Polonisë. Një formë “kërcënimi” për Moldavinë për t’i kujtuar se do ta ketë të vështirë të ndalojë një nga “magjistarët” e Sylvinhos. Kujtojmë se kjo nuk është hera e parë që UEFA e bën diçka të tillë, teksa edhe para ndeshjeve me Çekinë dhe Poloninë ka ripostuar supergolat e shënuar nga mëngjarashi i kombëtares tonë.

Just one of Jasir Asani's golazos in #EURO2024 qualifying pic.twitter.com/gwn1ywEdBU

— UEFA EURO 2024 (@EURO2024) November 17, 2023