Myrto Uzuni po jeton momentet më të mira në karrierën e tij futbollistike. Lojtari i Kombëtares Shqiptare është javë pas jave protagonist me gola në Spanjë për ekipin e Granada. Që është lojtari më i mirë në kampionat, kjo s’ka dyshim, dhe për të shuar edhe ato dyshimet e vogla, është vetë sulmuesi që dhuron një perlë.
Në ndeshjen e sotme mes Granada dhe Villareal B, sulmuesi shqiptar shënoi një supergol nga jashtë zone duke dërguar topin mbi portierin dhe në cepin e portës. Goli i 15-të i 27-vjeçarit këtë sezon i siguroi fitoren spanjollëve që tashmë janë vetëm 4 pikë pas kreut.
