SKËNDERBEU - LAÇI 1-1
Skënderbeu 3-5-2:Dajsinani, Bicaj, Qaqi, Vitija, Meksi, Taipi, Dowuona, Rrapaj, Dwumfour, Mara, Mensah Trajner: Julian Ahmataj
Laçi 4-3-3: Sherri, Marku, Selmani, Ignjatovic, Musta, Shehu, Deliu, Lushkja, Xhixha, Nwabwueze, Kërçiku Trajner: Stavri Nica
Gjyqtar: Kreshnik Cjapi
Ndeshja: Një sfidë me mjaft ritëm ku vendasit janë më këmbëngulës për të marrë fitoren përballë kurbinasve. Shumë volum loje në mesin e fushës, por pa arritur të konkretizohen aksionet nga të dy ekipet. Pjesa e parë mbyllet me rrjeta të paprekura, ndërsa në të dytën është Uerdi Mara që realizon një perlë duke kujtuar shkëlqimin e Bledi Shkëmbit. Ashtu si mëngjërashi i Skënderbeut të artë, edhe talenti korçar godet me të majtën duke mposhtur Alen Sherrin . Atëherë kur nuk pritej, kurbinasit rezultatin. Asist i Mazrekajt dhe sulmuesi i Laçit, Harmon nuk gabon përballë Dajsinanit. Pas kësaj ndeshje, Laçi ngjitet në kuotën e 7 pikëve në vendin e katërt, ndërsa Skënderbeu mbetet në vendin e tetë me 5 pikë.
Komenti minutë pas minute:
93'- Ndodh e pabesueshmja. Kurbinasit barazojnë rezultatin.
90'- Gjyqtari i katërt jep 4 minuta shtesë.
85'- Laci pranë golit me Nawbuezen. Por, Ditmar Bicaj mbyll amerikanin dhe më pas Dajsinani neutralizon gjithcka.
71'- Super gol në Korçë. Uerdi Mara realizon një perlë me të majtën e tij. Talenti korcar befason miqtë duke "kopjuar" golat që shënonte dikur Blendi Shkëmbi.
64'- Laçi bën zëvendësimin e radhës. Në fushë Turkaj, lë lojën Emiliano Musta.
60'- 30 nga fundi i lojës, ende nuk zhbllokohen rezultati në Korçë.
52'- Skënderbeu provon me kundërsulm. Mensah merr mirë topin, gjuan në diagonale, por sfera nuk është brenda kuadratit.
46'- Nis me zëvendësime pjesa e dytë për Laçin. Në fushë futen Mazrekaj dhe Obanor duke mbetur në dhomat e zhveshjes, Lushkja dhe Kërçiku.
45'- Mbyllet pjesa e parë.
34'- Laçi pranë golit. Redon Xhixha gjuan bukur, por Mario Dajsinani zgjat këmbën e djathtë duke i mohuar gëzimin miqve.
33'- Këndore për korcarët. Bardhekuqtë kanë mundësi të mirë shënimi, por këtë herë është Alen Sherri që i mohon golin.
22'- Provon Skënderbeu. Alfred Mensah merr një krosim nga Dwumfour, por sulmuesi afrikan nuk godet si duhet.
12'- Laci pranë golit. Marku gjuan bukur, por portieri Dajsinani i mohon gëzimin e golit.
7'- Goditje dënimi për Skënderbeun, por nuk shfrytëzohet si duhet nga korçarët.
1'- Nis ndeshja në Korçë.
Lexo gjithashtu
