VIDEO/ Milani bën detyrën, Roma zbret Juventusin në Conference League, ndeshje shtesë për të përcaktuar mbijetesën (REZULTATET)

Serie A mbyll edicionin 2022-2023 me 5 ndeshjet e mbrëmjes që u luajtën paralelisht në orën 21:00. Çështja e titullit dhe e zonës Champion janë mbyllur para disa javësh ndërsa mbetej për t’u mësuar ajo e Europa League dhe ekipi i fundit që do t’i bashkohej Sampdorias dhe Cremoneses në Serie B.

Milani bën detyrën teksa mposht Veronën 3-1 me golat e Giroud dhe dy herë Leao. Roma fiton në fund me Spezian 2-1 dhe këto dy rezultate bëjnë që Verona e Spezia të mbyllin kampionatin në kuotë të barabarta kështu që do të kemi një ndeshje shtesë për të përcaktuar kush mbijeton, sipas rregullit të ri në Serie A.

Fitorja e Juventusit me Udinesen nuk vlen shumë teksa bardhezinjtë humbasin vendin e 6-të dhe të fundit që të çon në Europa League me Romën duke bërë që Zonja të jetë pjesë e Conference League sezonin e ardhshëm.

Rezultatet:

Milan 3-1 Hellas Verona (Giroud 45+2’p, Leao 85′, 90+2′ / Faraoni 72′)

Roma 2-1 Spezia (Zalewski 43′, Dybala 90’p / Nikolaou 6′)

Udinese 0-1 Juventus (Chiesa 68′)

Atalanta 5-2 Monza (Koopmeiners 12′, 45+1′, 79′, Hojlund 74′, Muriel 90+2′ / Colpani 51′, Petagna 81′) 

Lecce 2-3 Bologna (Banda 17′, Oudin 88′ / Arnautovic 58′, Zirkzee 81′, Ferguson 90+6′)