Kategoria e Parë e futbollit në Shqipëri do zhvillojë në fundjavë raundin e tretë. Në tre ditë janë programuar duelet, me sfidat që nisin në 15:00. Gjithçka nis sot me katër duele, për të vijuar të diel me dy. Sfida mes Besës dhe Apolonisë luhet të hënë.
Pas javës së dytë kryesojnë disa skuadra me pikë të njëjta, ndërsa Lushnja ka një ndeshje më pak dhe nuk ka marrë ende pikën e parë.
Në Lushnje, lushnjarët e inaguruan stadiumin e ri në qytetin e tyre në ndeshjen me Beslidhjen që po zhvillohet në këto momente. Stadiumi “Roza Haxhiu”, ka më së fundi një tapet të ri bari si investim i Federatës Shqiptare të Futbollit.
Ekipi i drejtuar nga Duro, ka arritur që në minutën e katërt të fitojë një penallti në portën e Besëlidhjes të cilën, kapiteni veteran i lushnjarëve, 34 vjeçari Mikel Canka e kthen në gol.
Ndërkohë, loja vazhdon e rrjedhshme nga të dyja skuadrat, edhe falë investimit të ri që është bërë në fushë, ndërkohë që lojtarët kanë rritur po ashtu tempin e lojës. Me Lushnjen që do të ruajë avantazhin dhe ta thellojë, dhe Besëlidhjen që kërkon të vendosë barazpeshën në fushë.
E shtunë, 17 shtator – 15:00
Korabi 2 – 0 Luzi (Lala 29', Keko 45')
Turbina 0 – 3 Flamurtari (Metani 26', Da Silva 49' 73')
Tërbuni 2 – 1 Tomori (Tafili 55' Xhabrahimi 90'/ Olaye 88')
Lushnja 3 – 2 Besëlidhja (Canka 4' Pepa 25' 78'/ Ataide 42', Shehu 43')
E diel, 18 shtator – 15:00
Dinamo – Burreli
Oriku – Skënderbeu
E hënë, 19 shtator – 15:00
Besa – Apolonia
Ndeshja live:
90' Mbyllet takimi.
78' E pabesueshme nga Pepa, lëshon një silurë në portën e mbrojtur nga Demi
43' E pabesueshme Besëlidhja barazon në 2 minuta brenda në Lushnje, Shehu realizon të dytin
42' Danaj asiston për Da Silva Ataide që nuk gabon vetëm për vetëm me portierin
25' Lushnja realizon të dytin, Pepa fantastik në driblim ndaj kundërshtarit
4' Realizon nga pika e bardhë Mikel Canka
Lexo gjithashtu
