Trofeu zyrtar i Kupës së Botës mbërriti mëngjesin e sotëm në Aeroportin “Nënë Tereza”. Kjo ndodh për herë të parë në Shqipëri dhe është në kuadër të Turit që FIFA po organizon në disa shtete. Në fund do shkojë në Katar, ku do i dorëzohet fituesit të Botërorit më 18 dhjetor të këtij viti.
I pranishëm në shoqërimin e trofeut është legjenda e futbollit botëror, Gilberto Silva, i cili ka fituar Kupën e Botës në vitin 2002 me Brazilin. Bashkë me të është dhe ish- kapiteni kuqezi Lorik Cana, që ka shënuar historinë e futbollit shqiptar ndër vite.
Ndërsa tani trofeu ndodhet te Kryeministria dhe mund të vizitohet nga sportdashësit, Lorik Cana bashkë me Gilberto Silvan po luajnë futboll. Atmosfera është festive, të pranishëm janë figura të sportit shqiptar dhe politikës. Ndër to përmendim Presidentin e FSHF-së Armand Dukën, Kryeministrin Edi Rama dhe Krybashkiakun Erion Veliaj.
Lexo gjithashtu
