Vllaznia-Kukësi 2-4
NDESHJA: Vllaznia pëson humbjen e parë në kampionat. Shkodranët mposhten në shtëpi me rezultatin 2-4 nga Kukësi. Vendasit e nisin mjaft mirë ndeshje duke gjetur golin që në minutën e 3-të me Dungan, por Kukësi shënon dy herë me Agim Ibraimin. Në pjesën e dytë, Kukësi gjen edhe golin e 3-të me Eze, ndërsa Hoxhaj rihap për disa momente ndeshjen. Për të vulosur përfundimisht ndeshjen mendon, Limaj që në minutën e fundit shënon edhe golin e 4-të. Me këtë 3 pikësh, Kukësi merr fitoren e dytë radhazi dhe shkon në kuotën e 7 pikëve në vend të 5-të, ndërsa Vllaznia në vend të dytë me 10 pikë.
Kategoria Superiore/ Java e 5-të
Stadiumi "Loro Boriçi"/ Ora 16:45
Formacionet:
Vllaznia: Zogovic, Gurishta, Adili, Imami, Krymi, Jonuzi, Marku, Kruja, Imeri, Dunga, Dilaver. Trajner: Thomas Brdaric
Kukësi: Tafa, Demiri, Lulaj, Bytyçi, Dragoshi, Limaj, Taipi, Ibraimi, Leira, Gashi, Eze. Trajner: Rrahman Hallaçi
Gjyqtar: Kridens Meta
Komenti minutë pas minute:
90+5' Mbyllet ndeshja, Vllaznia humbet 2-4 ndaj Kukësit.
90+4' Kukësi hipotekon fitoren, Limaj gjen edhe golin e 4-të.
85' GOL! Zgjohet Vllaznia, Imami kroson në zonë për Ardit Hoxhajn që me kokë e dërgon në rrjetë.
73' GOL! Kukësi mbyll llogaritë. Eze gjen edhe golin e 3-të. Dalje e gabuar e portierit me sulmuesin që kokë e dërgon në rrjetë.
70' Vllaznia e gjitha në sulm për golin e barazimit.
55' Provon të zgjohet Vllaznia, Imeri gjuan nga larg, por topi kalon ngjitur me shtyllën.
45' Mbyllet pjesa e parë, spektakël dhe 3 gola me Kukësin që po fiton 1-2.
23' GOl! Kukësi përmbys gjithçka. Verilindorët fitojnë penallti që kthehet në gol nga Ibraimi.
13' GOL! Barazohet gjithçka në Shkodër, Kukësi gjen golin me Ibraimin pas një aksioni të bukur. Portieri Zogovic ndal gjuajten e Eze, por më pas Ibraimi e dërgon në rrjetë.
4'GOL! Nis me gol sfida në Shkodër, Vllaznia gjen golin e parë me Dunga. Lulaj gabon në mbrojtje dhe sulmuesi e dërgon në rrjetë.
2' Vllaznia lëshon sinjalin e parë, Imeri gjuan bukur brenda zonë por topi përfundon jashtë.
1' Starton ndeshja në Shkodër, topi i parë shkelmohet nga Kukësi.
Lexo gjithashtu
