PARTIZANI-TIRANA 1-0 (Çinari)
NDESHJA: Është mbyllur me fitoren minimale 1-0 derbi i kryqyutetit, Partizani-Tirana. Një ndeshje shumë e luftuar nga të dyja ekipet që prodhoi shumë raste për shënim, dy kartona të kuq si dhe një gol që u shënua nga Eraldo Çinari. Sulmuesi shkodran që mungonte prej 6 muajsh u fut në pjesën e dytë si zëvendësues dhe në minutën e 83-të ndëshkoi Tiranën pas pasimit të Muratajt. Me këtë gol të shënuar u mbyll edhe I gjithë takimi me të kuqtë dolën me 3 pikë nga Elbasani. Me këtë fitore, Partizani ngjitet në kuotën e 26 pikëve në vendin e dytë, ndërsa Tirana renditet në vendin e 5-të me 20 pikë.
Kategoria Superiore/ Java e 15-të
Stadiumi "Elbasan Arena"/ Ora 18:00
PARTIZANI (4-3-3): Hoxha; Mala, Belica, Bitri, Hakaj; Murataj, Broja, Cordeiro; Asani, Solomon, Bardhi. Trajner: Ilir Daja.
TIRANA (3-4-1-2): Bekaj; Toshevski, Hoxhallari, Najdovski; Halili, Toli, Batha, Ismajlgeci; Torassa; Muçi, Seferi. Trajner: Nevil Dede.
Gjyqtar: Enea Jorgji
Komenti minutë pas minute:
90+5' Mbyllet derbi, Partizani fiton minimalisht 1-0 me golin e Çinarit.
83' GOL! Zhbllokohet derbi, Murataj gjuan drejt zonës, devijon Çinari që e dërgon në rrjetë.
76' Rasti i artë për Tiranën, Muçi pason për Torassan, sulmuesi bardheblu gjuan, por ndalet nga mbrojtja e Partizanit.
56' Faulli i Bathës ndaj Asanit, gjyqtari e ndëshkon me karton të verdhë, e dyta për mesfushorin që lë Tiranën me 10 lojtarë.
50' Faull i Bardhit ndaj Bekajt, gjyqtari e ndëshkon me karton të verdhë, i dyti për sulmuesin e Partizanit që lë skuadrën me 10 lojtarë.
47' Çfarë mundësie për Partizanin, Murataj kroson për Solomon që pranë portës nuk e godet siç duhet.
46' Starton pjesa e dytë në Elbasan, Partizani dhe Tirana nuk bëjnë asnjë zëvendësim.
45+2' Ritëm i lartë dhe shumë raste të shpërdoruara, mbyllet pjesa e parë Partizani-Tirana.
37' Melo i vetëm përballë Bekajt nuk shënon, ndizet derbit.
36' Seferi me portën bosh gjuan jashtë, Tirana pranë golit.
34' Aksion i bukur Asani-Murataj me këtë të fundit që ndalet nga Bekaj.
28' Ndërhyrje ashpër e Bardhit ndaj Bathës, gjyqtari i ndëshkon të dy me të verdhë pasi edhe mesfushori i Tiranës reagon duke gjuajtur Bardhin.
24' Sërish Asani, sulmuesi i Partizanit gjuan nga larg, pret Bekaj.
19' Visar Bekaj i mohon golin Partizanit, Melo gjuan nga jashtë zone, por portieri i Tiranës i thotë "jo".
18' Partizani pranë golit, Asani brenda zonës gjuan keq.
16' Driblim i Muçit ndaj Malës, sulmuesi i Tiranës gjuan keq.
6' Aksion i bukur i Partizanit, Asani kroson për Melon që gjuan me kokë, por topi kalon mbi traun e portës.
2' Tjetër mundësi e mirë për bardheblutë, Alban Hoxha largon kërcënimin e Muçit.
1' Starton ndeshja, topi i parë shkelmohet nga Tirana. Sferi jep direkt sinjalin e parë, grushton Hoxha.
Lexo gjithashtu
