Derbi Tirana-Partizani vazhdon në rrjetet sociale. Edhe pse kampionati shqiptar është ndalur repj dy muajsh, klubet, tifozët apo edhe ish-lojtarët vazhdojnë “thumbimet” në internet.
Pas Erion Braçes është sulmuesi Sukaj që ka kujtuar në profilin e tij në Instram, golin e shënuar në minutat e fundit në derbi ndaj Tiranës që i dha fitoren të kuqve. Në atë kohë ishin të shumta zërat që thoshin se sulmuesi shkodran është mbi peshë dhe nuk mund të luajë dot, por Sukaj jo vetëm që luajti por ishte dhe deçiziv me golin e tij.
Gjatë festimit të golit , shkodrani bën me shenjë nga barku për të treguar që ishte në formë për të luajtur. Nuk mungojnë as komentet nga ish-lojtarët e tjerë të Partizanit në profilin e Sukajt e një prej tyre ishte Jasir Asani.
“Karantina vazhdon”, shkruan Sukaj, ndërsa Asani i shkruan “Shumë njerëz thonë Sukaj është shëndoshur, ka vendosur bark, por ata që nuk kanë bark nuk janë më të mirë se ai”. Nuk mund të mungonte as përgjigja e sulmuesi shkodran “Të shijon më tepër me bark”.
Loading ...
