Interi ka pësuar një humbje sot në transfertë përballë Spezia. Zikaltrit u mundën 2-1 nga vendasit duke treguar kështu që nuk dijnë se si të fitojnë jashtë shtëpisë. Kristjan Asllani u la sërish në stol dhe trajneri Inzaghi nuk e futi as edhe një minutë. Në pjesën e parë Lautaro kishte një mundësi të artë për të kaluar ekipin në avantazh por ai e humbi penalltinë. Në të dytën Spezia e nisi me gol dhe ishte një milanist si Daniele Maldini që kaloi përpara vendasit. Në fundin e lojës Interi mori një tjetër penallti dhe kësaj here Lukaku nuk gaboi dhe barazoi gjithçka. Por vetëm 2 minuta më vonë arbitri akordon një penallti për Spezia dhe vendasit nuk gabuan duke shënuar të dytin. Në minutat e mbetura të shtesës Interi nuk mundi do të barazojë dhe kështu humbet një tjetër sfidë në transfertë.