Zlatan Ibrahimovic ka treguar shpeh herë se përveç se është një lojtar është edhe një njeri shumë fisnik dhe i dashur. Në një video të postuar në rrjetet sociale nga “ESPN” tregohet momenti kur sulmuesi i Milan ka shpërthyer në lot për mikun e tij gazetar. Bëhet fjalë për Thijs Slegers, i cili vuan nga lucemia që nga viti 2020. “Kur isha i ri dhe humba, nuk njihja askën në Holandë. Më kontaktoi një gazetar dhe shkuam për darkë, që nga ai moment u bëmë miq. Thijs më ndihmoi, ne qëndruam gjithmonë në kontakt dhe ai do të jetë gjithmonë në zemrën time. Unë vetëm dua të të them se të dua miku im.” ”, tha Ibra në një lidhje me “ESPN”,  me zërin e tij të thyer nga emocionet. Thijs Slegers është gazetar i “Football International”, por është i njohur në botën e futbollit pasi ka mbajtur postin e zyrtarit të shtypit të PSV Eindhoven. Rreth dhjetë ditë më parë ai bëri të ditur gjendjen e tij shëndetësore në mënyrë të drejtë për t’i shtyrë njerëzit të dhurojnë qeliza staminale dhe gjak. “Unë nuk mund të ndihmohem më, por të tjerët munden”, tha ai në një apel që bëri zë të madh në Holandë. Gjithashtu ai e bëri këtë gjë publikisht gjatë një transmentimi live për të rritur ndërgjegjësimin, në të cilin mysafir ishte edhe Ibrahimovic.

Een emotionele Zlatan Ibrahimović met prachtige woorden voor Thijs Slegers❤️

— ESPN NL (@ESPNnl) February 13, 2023