Ndeshja finale e futbollit të femrave mes Mitrovicës dhe Feronikelit ka sjellë një dhunë “ndryshe” në shkallët e stadiumit “Riza Lushta” në Kosovë. Deputeti aktual i Kuvendit të Kosovës dhe ish-nënkryetari i FFK-së, Bekim Haxhiu ka goditur me grush një zyrtar të Feronikelit.
Në videon e siguruar nga Klan Kosova, duket zyrtari që merr një grusht në fytyrë nga deputeti Haxhiu, ndërsa më pas ka pasur konfrontim mes tifozëve. Personi i dhunuar është Ragip Veseli, ndërsa Mitrovica ka fituar me rezultatin minimal 1-0 duke u shpallur kampione për femra në Kosovë.