Roma arriti të fitonte sfidën e fundit të sezonit ndaj Spezias, duek siguruar vendin e 6-të në klasifikim, pozicion që të çon në Europa League.  E ardhmja e Jose Mourinhon është përfolur shumë se është larg ‘”Olimpicos”. Por tifozët ditën e djeshme morën një sinjal “dashurie” nga portugezi. Ky i fundit ka lënë të kuptojë se do të qëndrojë te Roma, teksa përshëndeti tifozët . Kur tifozët e pranishëm në Olimpico po thirrnin emrin e tij, portugezi ka bërë gjestin me duar se do të vazhdoj qëndrimin te Roma. Kaq ka mjaftuar që video në fjalë të bëhet virale në rrjet dhe tifozët e Romës i janë gëzuar këtij lajmi se Mourinho do të mbetet në Olimpico. Tifozët e Romës e kanë përkrahur jashtëzakonisht shumë Mourinhon që prej ardhjes së tij në kryeqytetin italian, derisa portugezi synon që vitin e ardhshëm të ndërtojë një skuadër të denjë për të fituar trofe.

“Io RESTO QUI , RESTO QUI” #mourinho #romaspezia pic.twitter.com/OH0q4GiQRK

— MEO PINELLI ⚠️ (@meopinelli) June 4, 2023