Fantastike ajo çfarë kanë bërë vajzat e skuadrës së Flamujrtarit në basketboll. Vajzat kuqezi kanë arritur të ngrejnë lart trofeun e Kupës së Shqipërisë, ndërsa kanë mposhtur në finale ekipin e Partizanin, me rezultatin 74-73, në takimin e luajtur në “Dhimitraq Goga” në Durrës.
Një ndeshje e luftuar mes vajzave të të dyja ekipeve, ku fituesi do të vendosej vetëm në frymën e fundit dhe ato kuqezinjtë do të rrëmbenin kështu trofeun e Kupës.
Vlonjatet u treguan më të sakta në aksionin e fundit, duke përfituar edhe nga gabimi që të kuqtë bënë në sulmin e fundit, që mund t’u jepte atyre fitoren. Në fundin e takimit, Partizani pretendoi për një gabim të gjyqtarisë, por ky pretendim u hodh poshtë.
