Tifozëria shkodrane gjithmonë ka qenë e veçantë në skenën e futbollit shkodran. Mbështetës që kur kundërshtari dhuron spektakël përballë Vllaznisë, çohen gjithmonë në këmbë dhe duartrokasin. Rasti më i freskët ishte ai i para disa ditëve, ku të gjithë respektuan Dëamenën në “Loro Boriçi” pas një ndeshje fantastike të lojtarit të Egnatias.
Së fundmi, një tjetër video e veçantë në serviret nga Klodian Duro. Ish lojtari i Elbasanit dhe Vllaznisë ka qenë duke festuar për titullin kampion të verdhebluve. Elbasani arriti të shpallej më i miri në Grupin B të Kategorisë së Dytë duke u ngjitur në këtë mënyrë në Superiore. Por, festës së tifozëve elbasanas u janë bashkuar edhe ultrasit e Vllaznisë.
Kjo shihet në videon e postuar nga Duro, ku tregon tifozëritë e dy ekipeve duke kërcyer me këngë shkodrane. Padyshim një çast që nuk duhet humbur. Përkundrazi, sikurse tifozët e Vllaznisë, për t’u duartrokitur se si ultrasit e dy ekipeve harrojnë ngjyrat dhe bëhen bashkë duke festuar për arritjet e skuadrave të tyre.
Lexo gjithashtu
