Albion Rrahmani vijon të shkëlqejë nga ndeshja në ndeshje teksa kësaj rradhe ka shënuar një dopietë në ndeshjen e Rapid Bucurest përballë gjigantëve të Cluj në kampionatin rumun. Sulmuesi i Kosovës u bë protagonisti absolut në fitoren 3-1 teksa shënoi dy golat e parë të sfidës duke patur një dorë të rëndë për këto 3 pikë.
Gjatë festës së golit të dytë, ish-sulmuesi i Ballkanit vendosi të festonte me shqiponjë, marrë shkas edhe nga ndodhitë e fundit në Kosovë. Bomberi 23-vjeçar u shit për 600 mijë euro këtë merkato nga Ballkani, rekord për futbollin kosovar, dhe deri tani ka shkëlqyer duke shënuar 6 gola në 4 takime me Rapidin.
Rrahmani bëri debutimin e tij me Përaqësuesen e Kosovës në ndeshjen e fundit pikërisht përballë Rumanisë në Bukuresht, aty ku Kosova u përball sërish me abuzime rraciste nga tifozët vendas.
⚽️ | Rapid București 2-1 CFR Cluj | Albion Rrahmani
pic.twitter.com/CzZ7bOdfOa— Goal Foot (@goalfootHQ) September 25, 2023
