Kapiteni i Paderborn në Bundesligën gjermane, Klaus Gjasula e ka vendosur të ardhmen. Mesfushori i Kombëtares kuqezi ka edhe disa muaj kontratë me gjermanët, teksa këtë edicion po shijon momente të mira në elitën e futbollit.
Në fundin e këtij kampionati marrëveshja mes palëve përfundon, mirëpo “Gladiatori” nuk ka ndërmend të largohet nga Paderborn. Mediat gjermane raportojnë se Gjasula do t’i mbetet besnik klubit edhe nëse ky bie një kategori më poshtë. Drejtuesit po mendojnë t’i ofrojnë një marrëveshje të gjatë lojtarit, pasi e shohin si shtyllën kryesore të ekipit, duke i besuar edhe shiriti i kapitenit.
Loading ...
