Pritej të ishin me mijra në rrugët e kryeqytetit, ndoshta me qindra në afërsi të aeroportit “Nënë Tereza”, por nuk ka qenë kështu. Vapa e tmerrshme në kryeqytet ka detyruar tifozët shqiptarë të mbyllen në shtëpi dhe të ndjekin nëpërmjet ekranit pritjen që i është rezervuar futbollistëve në kthimin e tyre nga Franca. Vetëm dhjetra tifozëve në rrugët e kryeqytetit, po kaq në sheshin pranë bashkisë dhe shumë më pak në Ministrinë e Jashtme. Mbetet për tu parë se çfarë do të ofrojnë rrugë të tjera në vazhdim apo dhe sheshi “Nënë Tereza” në pasditen e vonë për festën e fundit në “Fan Zonë”. Ndryshe nga sa ndodhi pas ndeshjes me Rumaninë ku të gjithë shqiptarët festonin në sheshe të qyteteve të ndryshme, këtë rradhë shqiptarët kanë zgjedhur televizorin për të parë dhe festuar. E çuditshme nëse mendon se një ngjarje e tillë ndodhi për herë të parë e mund të mos përsëritet më.
Autobuzi hapur që meritonte një pritje shumë më të ngrohtë
Mungojnë tifozët kuqezi, Mavraj pozon me “Banda Frymore e Shtetit”
