Presidenti i Komitetit Olimpik Kombëtar Shqiptar, Fidel Ylli i ka konsideruar bastet sportive “vese” që duhen rregulluar me ligj. Sipas tij, projektligji i hartuar duhet të kalojë në Kuvend dhe Qeveria duhet të jetë një mbështetëse e sportit, sepse pa të nuk mund të bëhet.
“Ti kontrollojmë dhe të shohim kush luan. Basti nuk është i mirë. Nuk i promovoj. Ky është një ves që duhet rregulluar me ligj. Bastet dhe lotaritë kanë qenë dhe në kohën e Enverit. Sot ne flasim për bastet, kur ti i ke në mes të kazinosë, në mes të Tiranës.
Një turisti s’mund ti thuash që ti e ke në Gjermani, por këtu nuk ka. Por jo poshtë pallatit, ku ke 30 pika. Ne i kemi në mes të Tiranës kazinotë.
Ata që do luajnë, përveç eksperiencës, do kenë dhe një garanci për lojtarët. 95% s’mund të rrëzojë 5 %. Të kontrollohet, të jetë i kujdesshëm shteti, ti monitorojë. Projektligji duhet të kalojë në Parlament. Qeverinë e duam partnere, sporti pa mbështetjen e qeverisë nuk bëhet”, tha Ylli, teksa shtoi se paratë e kompanive të basteve që sot i merr rruga, duhet t’i marrë sporti.
Si nismëtar i rihapjes së basteve sportive të kontrolluara, që pjesa e fitimeve të shtetit t’i kalojë sportit, Fidel Ylli thotë se ky qeveria shqiptare ka bërë një prej ligjeve më të mira evropiane për sportistët elitarë. Presidenti i KOKSH-it e konsideroi sportin si ambasadorin më të mirë të Shqipërisë.
“Sporti është ambasadori më i mirë i Shqipërisë. Ne kemi bërë një nga ligjet më të mira evropiane për sportistët elitarë”, është shprehur këtë të hënë Fidel Ylli, në RTSH.
Lexo gjithashtu
