Komisioni i Disiplinës zbardhi vendimet për javën që lamë pas dhe ndeshjet e luajtura ditën e djeshme në Kupën e Shqipërisë. Me interes pritej të mësohej se çfarë do të ndodhte me Erhun Obanor, qendërmbrojtësin e Laçit i cili goditi me shkelm kundërshtarin Herald Markun. Organi i drejtësisë sportive e dënoi afrikanin me 5 ndeshje, ndërsa muaj më parë një situatë e ngjashme ndodhi në Ballsh.
Kyrian Nwabueze goditi me grusht lojtarin e Bylisit dhe Disiplina veproi duke e pezulluar 10 takime. Një drejtësi që duket se për situata të njëjta vepron me dy standarte. Pikërisht ky vendim i sotëm të kthen shumë pas në kohë, teksa në futbollin shqiptar kërkohej dënimi i tifozërisë për shkak se ndeshja ishte ndërprerë disa herë për shkak të fyerjeve ndaj gjyqtarit. Por atëherë Komisioni i Disiplinës nuk dënoi askënd duke nxjerrë vendimin e argumentuar: "Arbitri nuk kishte motër"...
Lexo gjithashtu
