Superiorja nuk ka shumë kohë për “frymëmarrje”, pasi ekipet do të duhet të zbresin shpejt në fushë. Kështu në mesjavë do të bëjnë mes tyre llogaritë e javës së 14-të të kampionatit.
Takime mjaft të luftuara janë në program për t’u zhvilluar në 2 ditë, saktësisht me 3 dhe 4 dhjetor. Të mërkurën do të luhen 3 ndeshje, ku vëmendjen më të madhe e merr derbi i kryeqytetit.
Kjo javë do të hapë siparin me 2 takimet e orës 16:30. Partizani do të presë Bylisin në “Arenën e Demave”, ndërsa Teuta do të përballet me Elbasanin në “Niko Dovana”.
Ndërkohë në orën 19:30 të gjithë do të jemi sy e veshë nga “Air Albania”, aty ku Dinamo do të përballet me Tiranën në derbin e 2-të mes tyre në këtë sezon.
Dhe dita e enjte do të pasohet me 2 duelet e tjera të javës së 14-të. Në orën 13:30 përplasen Vora dhe Vllaznia, teksa në orën 16:30 luhet edhe dueli i fundit i kësaj jave mes Egnatias dhe Flamurtarit.
Lexo gjithashtu
