Mesfushori i Egnatias, Albano Aleksi ka dhënë një intervistë për median e klubit ku foli për gjendjen e skuadrës në fazën përgatitore. Aleksi thekson se gjithçka po shkon siç duhet dhe fokusi mbetet vetëm sfida kualifikuese e Champions League. Ndër të tjera, ai prek edhe Euro 2024 ku luan Kombëtarja shqiptare.
-Aleksi si po shkon faza përgatitore? Ambienti, infrastruktura e grupi?
Përshëndetje! Po shkon shumë mirë deri tani, jemi duke marrë ngarkesën që duhet. Shyqyr Zotit deri në këto momente nuk kemi dëmtime dhe ndeshjet e miqësores kan shkuar mirë.
-Grupi dhe të ardhurit si po ingranohen dhe si e vlerëson ti këtë konkurencë?
Besoj se po ambientohen shpejtë sepse dhe grupi ta imponon këtë gjë sepse janë të gjithë çuna të mirë dhe jemi si një familje. Konkurenca na bën mirë sepse na rrit më shumë si lojtar dhe shpresoj të japin maksimumin e tyre sepse dihet cilësit që kanë.
-Çfarë mendimi ke për shortin? Keni ndonjë informacion për kundrshtarin?
Ne vazhdojmë përgatitemi për ndeshjen në Champions sepse është më e rëndësishmja dhe normalisht po e studiojmë.
-Kur të kaloni ndeshjen e pare, a ju kënaq Paoku i Selanikut?
Shpresoj shumë dhe besoj që do bëjmë ndeshje dinjitoze përballë çdo kundërshtari dhe ishallah kemi fat me then te drejten per ndeshjen sepse Paokun nuk po e shikojm fare sepse e gjithë vëmendja është te ndeshja e parë.
-Vlerësimi yt për Bakajokon, Kasën, azerin? Po Fernando si ndihet?
Nuk mund te jap një mendim për lojtarët e huaj, por për Lushkjan dhe Kasën janë lojtarë që kanë shumë cilësi të mira. Fernando ndihet shumë mirë sepse ka fituar çdo gjë këtë vit (Qesh).
-Cili është objektivi i arritshëm i Egnatias sipas jush në Champions?
Siç e thashë më lart, të gjithë vëmendjen e kemi te ndeshja e parë. Grupi është gati dhe me afrimet besoj se do lëmë gjurmë. Ishallah kemi dhe pak fat, objektiv është gjithmonë ndeshja radhës.
-A e shikoni ekipin të kompletuar apo ka vend për përforcime të tjera?
Presidenca dhe stafi janë munduar që ekipi të jetë i plotë dhe sa më shumë lojtar aq më mirë është, por besoj se jemi kompletuar.
-Si të duket kampionati Europian dhe kush është skuadra që ti ke për zemër?
Normalisht që të gjithë jemi me Shqipërinë tonë të madhe dhe po bën ndeshje të bukura. Për ne, si do që të dali, ata janë kampionët tanë sepse përfaqësojnë një komb të tërë dhe shpresoj ta kalojmë grupin.
-Një vlerësim për lojtarët me numër 6, kush të tërheq vëmendjen?
Mendoj që Verratti është një nga lojtarët që më pëlqen.
Lexo gjithashtu
