Egnatia triumfoi 3-1 ndaj Elbasanit ditën e djeshme. Një fitore e cila nuk festohet shumë nga kampioinët, kjo pasi një nga titullarët e ekipit u dëmtua.
Bëhet fjalë për Renato Malotën. Mbrojtësi për shkak të dëmtimit që mori e kishte të pamundur të vazhdonte dhe në minutën e 62-të të sfidës la fushën e lojës.
Kjo i shton “dhimbjet e kokës” Edlir Tetovës, i cili rri në “ankth” për gjendjen e tij nëse do të jetë i gatshëm për duelin e radhës apo jo. Kapiteni pritet që në ditët në vazhdim t’iu nënshtrohet edhe vizitave mjekësore për të mësuar shkallën e dëmtimit.
Me shumë gjasa Malota ka humbur përballjen e radhës, që rrogozhinasit do ta luajnë ndaj Partizanit në transfertë. Kjo pasi dueli i vlefshëm për javën e 16-të do të luhet në mesjavë, saktësisht të enjten në orën 17:00.
Lexo gjithashtu
