Tirana po u jep dorën e fundit përgatitjeve për sfiën me Torpedo Kutais. Duel ky që do të luhet ditën e nesërme në orën 20:00 në “Elbasan Arena”.
Bardheblutë nuk shkuan më shumë se barazimi 1-1 gjeorgjianët në transfertë, teksa në Elbasan do të synojnë përmbysjen. Për këtë mbështetja e tifozëve është shumë e rëndësishme sipas Gledi Micit.
Ndër të tjera mbrojtësi në konferencën për shtyp deklaroi se shanset janë të njëjta për kualifikimin, por fanella që mbajnë veshur nuk i lejon të jenë inferior dhe do të synojnë kalimin në fazën tjetër të Conference League.
“Atmosfera është mjaft e mirë, kemi punuar në mënyrë intensive, na ngroh fakti për rezultatin e marrë në Gjeorgji, që e le të hapur kualifikimin. Shanset janë 50 me 50 dhe këtë ndeshje mund ta vendosin detajet. Shpresoj që detajet të jenë në anën tonë kësaj radhe. Është pak vështirë sepse skuadra është 80% e rindërtuar, ka lojtarë të rinj dhe kjo do kohën e vet, por gjithashtu mendoj që fanella që mbajmë veshur nuk na lejon të jemi inferiorë ndaj asnjë kundërshtari.
Duhet të japim të gjithë maksimumin, të marrim përgjegjësi dhe ta çojmë skuadrën drejt suksesit. Gjithmonë në këto kompeticione vendosin detajet, është një ndeshje shumë e vështirë për arsye se ekipi i tyre është në mesin e kampionatit ndërsa ne kemi një muaj që bëjmë sërvitje bashkë dhe shpresoj të jemi të gjithë të përqëndruar. Kam besim se do të kalojmë. Ndjehem shumë mirë në qendër, futbolli është i tillë që të përshtat me çdo lloj situate”, deklaroi Mici.
Lexo gjithashtu
