Roberto Bordin u largua pak ditë më parë nga Elbasani. Timonieri italian dha dorëheqjen pas fitores me Bylisin. Për shkak të rezultateve negative në kampionat, Bordin vendosi të ndajë rrugët me verdheblutë.
Një largim i papritur ky, teksa ditën e sotme ish-trajneri i Elbasanit ka treguar arsyet se pse vendosi të largohet nga ekipi. Në një posti falenderon klubin për mundësinë e dhënë, teksa nënvizon se ishte përgjegjësia e tij të bëhej një ndryshim në skuadër, që ekipi të mund të rikthehet te rezultatet pozitive.
“Me pikëllim të madh, por me qetësinë më të madhe, largohem nga posti i trajnerit të AF Elbasanit. Falenderoj klubin, administratorit Geni Coku, drejtorit sportiv Elton Guranjaku dhe presidentit per pritjen qe me bene veren e kaluar dhe besimin e vazhdueshem, stafin dhe te gjithe njerezit qe punojne ne prapaskenat per profesionalizmin e madh, të treguar edhe në momentet e vështira dhe lojtarët për disponueshmërinë e tyre të madhe. Unë preferova, për të mirën e përbashkët, të largohesha. Veprimi im i përgjegjësisë, i cili në sytë e të tretëve mund të duket i pashpjegueshëm duke pasur parasysh renditjen aktuale, është për shkak të vlerësimit të madh që kam për Klubin. I uroj një të ardhme të ndritur Elbasanit, një klub ambicioz. Faleminderit, Roberto Bordin”, ka shkruar Bordin në rrjetet sociale.
View this post on Instagram
Lexo gjithashtu
