Albion Marku ka përfunduar në qendër të merkatos të ekipeve të Superiores. Mbrojtësi ka mbyllur sezonin me Dinamon dhe tashmë është lojtar i lirë në treg.
Interesimet janë të shumta nga Superiorja, ku Partizani është një nga ekipet e para që synon rikthimin e Markut.
Por nuk ndalen këtu, pasi Tirana ka menduar të hyjë në garë për shërbimet e Markut, duke iu shpallur “luftë” të kuqve. Për shërbimet e tij ka dhe derbi në merkato, më bardheblutë që synojnë të rrëmbejnë ish-in e demave.
Përveç demave dhe bardhebluve, përflitet shumë se 23-vjeçari pëlqehet shumë edhe nga drejtuesit e Vllaznisë që e shikojnë si të duhurin për prapavijën.
Por jo vetëm kaq pasi edhe Elbasani është i gatshëm të shpenzojë për shërbimet e tij. Skuadra e Nevil Dedes kërkon përforcime cilësore në debutimin në Superiore, për të tentuar edhe “Final – Four”.
Lexo gjithashtu
