Partizani dhe Teuta barazuan pa shumë histori. Sfida e zhvilluar në stadiumin “Arena e Demave”, përfundoi me shifrat 0-0. Në përfundim të këtij dueli foli trajneri i “të kuqve”, Mladen Milinkovic.
“Jo, kur luan në shtëpi dhe nuk fiton, nuk është për tu uruar. Shpresoj që do të shohim Partizan tjetër. Të jem i sinqertë nuk jam i kënaqur pas këtij barazimi. Nuk jam as shumë i zhgënjyer, për arsyen se e mbajmë portën e paprekur edhe është e rëndësishme për ekipin. E dinim që sot do ishte e vështirë, por sot nuk kishte shumë futboll dhe nuk ishte ndeshje e bukur. Teuta na ka parë dhe na vendosi nën presion.
Mbase është pak e rrezikshme, duke marrë parasysh edhe fushën të ndërtosh dhe të marrësh përsipër. U thashë lojtarëve, ekipi që nuk gabon sot, merr 3 pikët. Por kjo ndodh. Sigurisht që ne nuk kemi një sulmues “pykë” dhe Skuka nuk është në gjendjen e tij më të mirë, Bintsouka nuk është i gatshëm. Duhet të bëhemi gati që ekipi të jetë në gjendje të mirë. Për të fituar titullin, duhet të shënosh.
E kam thënë edhe në ndeshjen e parë, unë pëlqej ndërrimi i anës së lojës dhe sistemi i shkurtër. Nga ana e tjetër nuk donim të merrnim shumë rreziqe edhe pse kishim mungesë informacioni për Teutën. Kishim dëgjuar që kishin lojtarë të rinj, por nuk e dinim se për çfarë bëhej fjalë. Për arsye të cilësisë së tyre, ishte vendimmarrje, që të mos rrezikonim shumë. Por besoj se ky nuk do të jetë stili ynë.
Fusha me bar sintetik? Për mendimin tim fusha sintetike nuk është për futboll të bukur. Kemi referenca nga ekipet më të mira në Evropë dhe asnjë s’luan në bar artificial. Patjetër që është diskutuar dhe presidenti na e ka dhënë mundësinë për të luajtur në fushë me bar natyral. Por duke ndryshuar fushën, është e rrezikshme për dëmtime”, tha trajneri serb.
Lexo gjithashtu
