Mesditën e sotme do të zbulohet kalendari i Superiores dhe Kategorisë së Parë për sezonin 2024/25. Pikërisht në orën 12:00, FSHF do të kujdeset për shortin në ambientet e “Shtëpisë së Futbollit”.
Kujtojmë se janë 10 skuadra në elitën e futbollit shqiptar, që garojnë për fitimin e trofeut më të rëndësishëm. Partizani, Egnatia, Vllaznia, Tirana, Skënderbeu, Dinamo, Bylis, Elbasani, Laçi dhe Teuta do diktojnë ritmin e futbollit shqiptar në sezonin e ardhshëm.
Pas Superiores dhe Kategoria e Parë do të njihet me rrugëtimin e saj. Erzeni, Kukësi, Flamurtari, Vora, Apolonia, Korabi, Kastrioti, Burreli, Lushnja, Besa, Valbona dhe Pogradeci premtojnë spektakël në edicionin e ardhshëm.
22 klube në total janë përmendur më sipër, që garojnë për objektiva të rëndësishëm. Skuadrat e Kategorisë së Parë duan t’i rikthehen elitës, ndërsa ato të Superiores synojnë 4 vendet e para për “Final 4”.
Lexo gjithashtu
