Myrto Uzuni ka dalë në konferencën e zakonshme për shtyp para ndeshjes së Kombëtares kundër Polonisë, e vlefshme për kualifikueset EURO 2024.
Një nga sulmuesit më në formë të kuqezinjve u shpreh i lumtur për këtë grumbullim, ndërsa shprehet besimplotë për një rezultat pozitiv në Varshavë. Në fjalën e tij për gazetarët, Uzuni deklaroi:
“Kam shënuar 20 gola dhe nuk kam mbaruar me kaq. Sa i përket Kombëtares jam shumë i lumtur që jam ftuar. Është gjëja më e madhe për një futbollist. Në fushë ndihem më mirë si qendërsulmues.
Ndryshimet? Ndryshime në futboll duhen. Jam i lumtur për ndryshimin në Kombëtare. Është frymë e re, mentalitet i ri. Dua rezultate të reja. I uroj mirëseardhjen lojtarëve të rinj.
Ngërçi me Kombëtaren? Siç e thashë dhe më parë, kur vjen te ekipi kombëtar, është përgjegjësi e madhe. Kam më shumë eksperiencë dhe jam më i gatshëm. Koha do ta tregojë më së miri.
Sylvinho? Kam pasur një telefonatë kur isha në Granada. I urova mirëseardhjen. Ai ka shumë besim te unë dhe shpresoj t’ia shpërblej. Unë them që mentalitetin e ka ndryshe. Janë shumë të ndryshëm me njëri-tjetrin. Nuk mund të flas para kohe.
Mesatarja e golave? Kur futëm në lojë, futem me mendimin që dua të shënoj. Kjo është puna ime që bëj më së miri. Uroj të shënoj në Varshavë. Jam më i qetë me Sylvinhon sepse kërkon një lojë më sulmuese. Në lojën sulmuese dalin në pah vlerat e mia.
E ardhmja? Kur shënon kaq shumë gola si në Spanjë ku ndiqet shumë, kam oferta nga Premier League, Seria A. Unë kam ardhur te Kombëtarja dhe jam këtu për të dhënë më të mirën.
Sulmi në Poloni? Patjetër do të kërkojmë më shumë nga vetja. Asnjëherë s’jemi të kënaqur me veten tonë. Përgjegjësia na takon ne sulmuesve. Por, edhe mbrojtja me mesfushën që duhet ta sjellin topin deri tani.
Formacioni në Poloni? Të them të drejtën siç e shoh unë tani do të luajmë një ndeshje ofensive dhe jo difensive”, tha ai.
Lexo gjithashtu
