Ambasada Amerikane në Tiranë përmes një postimi në faqen e saj zyrtare në Facebook ka uruar Kombëtaren shqiptare për ndeshjen e sotme kundër zvicerianëve.
“Suksese skuadrës kombëtare të futbollit në ndeshjen e sotme kundër zvicrës. Forca shqiponja!”, shkruhet në statusin e Ambasadës. Urimi i mësipërm vjen edhe në gjuhën angleze duke iu bashkangjitur edhe një kolazh nga momentet më të mira të Kombëtares të shprehura në foto.
Në vetëm një orë nga postimi komentet në këtë status kanë qenë me qindra duke shpehur edhe njëherë tjetër entuziazmin e jashtëzakonshëm me të cilin pritet kjo ndeshje nga sportdashësit shqiptarë të kudondodhur .
