Pas mandatit të tij të 5-të në krye të FSHF-së, kreu më i lartë i futbollit në vend, Armand Duka ka një tjetër test të vështirë në karrierën e tij drejtuese.
Numri 1 i FSHF-së bën pjesë në11 kandidaturat për një mandat në Komitetin Ekzekutiv të UEFA-s, i cili do të zgjedh stafin e ri ditën e sotme në Romë.
Mes 55 Federatave pjesëmarrëse, Duka duhet të marrë besimin e të paktën 30 prej tyre. Mision mbase i pamundur, por garancia e Dukës janë zgjedhjet e katër viteve më parë, ku asokohe u rendit i 9-i, me 9 vota më pak se karrigia e fundit në këtë Komitet Ekzekutiv.
Ndërkohë, fillimish përcaktohet zgjedhja e presidentit të ri të UEFA-s, që sipas të gjitha gjasave do të jetë Aleksandër Ceferin. Slloveni është i vetmi në këtë garë dhe rikonfirmimi i tij në këtë post do të ishte një formalitet.
Kandidatët për shtatë vende anëtare në Komitetin Ekzekutiv të UEFA-s (sipas rendit alfabetik):
1. Begić Elvedin, Bosnjë dhe Hercegovinë
2. Boranbayev Kairat, Kazakistan
3. Csányi Sándor *, Hungari
4. Duka Armand, Shqipëri
5. Gomes Fernando *, Portugali
6. Mihaylov Borislav *, Bullgari
7. Møller Christensen Jesper, Danimarkë
8. Pavelko Andrii, Ukrainë
9. Rubiales Luis, Spanjë
10. Šuker Davor *, Kroaci
Lexo gjithashtu
