Prokuroria shqiptare ka pezulluar çështjen e hapur 2 vite më parë ndaj ekipit të Skënderbeut. Autoritetet vendase nuk kanë arritur të gjejnë prova, edhe pse Federata Shqiptare e Futbollit u vuri në dispozicion edhe raportet e UEFA-s.
Sipas Top Channel, priten informacione të tjera nga disa shtete, ndërsa tashmë çështja është pezulluar. Kujtojmë që muaj më parë, prokuroria mori në pyetje lojtarë, trajnerë, si dhe presidentin e Skënderbeut, Ardjan Takajn ku dyshohej për fiksim apo paracaktim të rezultateve.
Ky proces ka zgjatur për dy vite dhe me sa duket Prokuroria nuk ka arritur të gjejë asnjë provë, qoftë nga raporti i UEFA-s, apo edhe nga deklaratat e dhëna nga lojtarë, trajnerë e drejtues. Pritet nga vendet aziatike informacion për ndeshjet kombëtare dhe ndërkombëtare që janë të paraqitura nga sistemi "BFDS" në raportin e UEFA-s.
Kujtojmë që ky pezullim vjen pas vendimit të UEFA-s për ta përjashtuar Skënderbeun për 10 vitet e ardhshme si dhe duke e gjobitur me 1 milionë euro.
Lexo gjithashtu
