Kristi Vangjeli duket se nuk e largon thjesht nga mendja skuadrën e Tiranës. Mbrojtësi i djathtë u zyrtarizua te Prishtina në Superligën e Kosovës, megjithatë dje ka qenë i pranishëm në "Selman Stërmasi".
Korçari ka qenë duke bërë fizioterapi në një klinikë afër stadiumit dhe ka përfituar të vizitojë ish-shokët e skuadrës. Marrëdhënia e mirë që ka me trajnerin Shehi, dikur me të shokë skuadre apo dhe me Tefik Osmanin, bën që 36-vjeçari të mos e harrojë skuadrën bardheblu.
Pikërisht me të, para dy sezonesh ai arriti të fitonte dhe titullin kampion. Tanimë pritet të shihet se si do të vijojë aventura e tij në Prishtinë, ndërsa vizita "blic" e tij në "Selman Stërmasi" ku po kryhej seanca e radhës stërvitore, ka rritur dozat e pozitivitet brenda grupit të kryeqytetasve.
Lexo gjithashtu
