Andi Ribaj është kthyer në një nga pikat më të forta të Teutës duke shënuar gola të rëndësishëm për skuadrën bregdetare.
Në ndeshjen e fundit në kampionat, ku Teuta humbi 1-0 ndaj Luftëtarit në Durrës, sulmuesi i njohur i Superligës u zëvendësua nga trajneri Magani. Ribaj dhe trajneri peqinas qëndruan pak çaste duke disktuar, ndërsa u tha se sulmuesi i kishte kërkuar Maganit, arsyen se përse e zëvendësoi. Por një gjë e tillë nuk ka rezultuar e vërtetë dhe ai që e pohon një gjë të tillë është vetë futbollisti.
"Nuk kishte asnjë debat mes meje dhe trajnerit Gugash Magani për zëvendësimin tim. Pasi lashë fushën, po bisedoja me trajnerin për disa raste gjatë ndeshjes.
Komandon Magani dhe është ai që vendos kush duhet të luajë dhe kush duhet të zëvendësohet. Është ai që gjykon formën e çdo futbollisti dhe që vendos ku duhet të ndryshojë për të mirën e lojës së skuadrës.
Humbja kundër Luftëtarit duhet të na shërbejë si mësim dhe të japim maksimumin në takimet e radhës. Nuk duhet të përsëritim më, ndeshje të tilla", tha sulmuesi Andi Ribaj.
Lexo gjithashtu
