Vangjel Zguro është një nga afrimet e Skënderbeut në këtë merkato. Pak minuta më parë klubi korçar në faqen zyrtare bëri zyrtare firmën me 4 futbollistë dhe një prej tyre është edhe mbrojtësi i krahut të majtë, Zguro.
27-vjeçari vendosi të largohej nga Amerika për të firmosur në Korçë dhe në faqen e tij në Instagram, lojtari ka bërë të ditur edhe kontratën që ka firmosur me Skënderbeun si dhe shprehet se do të ndihmojë skuadrën për arritjen e objektivit mbijetesë.
"Përshëndetje miq, dua t'iu njoftoj se që nga sot jam lojtar i Skënderbeut për 5 muajt e ardhshëm. Shpresoj të ndihmoj sado pak ekipin me objektivave që ka. Forca Skënderbeu", shkruan Zguro në postimin e tij duke zbuluar kështu edhe kontratën që ka firmosur me skuadrën korçare.
Poll
Lexo gjithashtu
