Tirana nuk ia doli të fitonte titullin, teksa përfundoi me pikë të barabarta me Partizanin. Për shkak të ndeshjeve direkte bardheblutë humbën mundësinë të ngrejnë në “qiell” trofeun. Ndeshja e shumë kontestuar me Bylisin solli pasoja për kryeqytetasit.
Bruno Lulaj është një nga lojtarët që e pësoi nga Komisioni i Disiplinës për trazirat në Rrogozhinë, me mbrojtësin që është i pezulluar me 6 ndeshje. Por pezullimi i tij nuk step aspak skuadrën e Dritës. Ekipi kosovarë kërkon lojtarë me eksperiencë për të bërë të mundur të rivalizojë Ballkanin për titullin kampion.
Sipas “Gazeta Blic” raportohet se drejtuesit e Dritës kanë nisur kontaktet për transferimin e Bruno Lulajt. Lojtari përlqehet shumë nga skuadra nga Gjilani dhe pritet që së shpejti palët të gjejnë edhe një marrëveshje mes tyre.
