Sot, Kastrioti ka zhvilluar seancën e radhës stërvitore në kuadër të përgatitjeve për ndeshjen e së dielës në transfertë kundër Vllaznisë. Klubi krutan ka treguar pjesë nga seanca e sotme, ndërsa në sy bie Realf Zhivanaj. Qendërmbrojtësi tropojan u përfol për një kalim të tij te Partizani.
Por, sot ai ka qenë i pranishëm në stërvitje duke marrë pjesë në manovrat e përgatitura nga trajneri Ramadan Ndreu. Edhe në foto shihet 22-vjeçari (i shënjuar me blu) i cili merr pjesë në përgatitjet e teknikut të Kastriotit. Kujtojmë që ndeshja Vllaznia – Kastrioti është programuar të luhet të dielën në orën 16:45, në stadiumin “Loro Boriçi” në Shkodër.
Loading ...
