Teuta arriti të kualifikohej në çerekfinalen e Kupës së Shqipërisë, pasi mposhti në “Niko Dovana” Erzenin. Në çerekfinale durrsakët do të sfidojnë Kukësin.
Pas fitores Edi Martini foli për “Oversport” ku theksoi se:
“Pavarësisht renditjes arritëm të kualifikohemi. Ne kemi bërë një ndeshje të mirë dhe vinim pas duelit me Laçin.
Objektivat e Teutës? Kupa është një synim i yni dhe u pa edhe me lojtarët që hodha në formacion.
Daci? E kam kërkuar që në fillim të janarit dhe na u dha mundësia për ta pasur në skuadër.
Forca e Teutës? Pavarësisht gjithçkaje ne do të bëjmë çdo gjë për të bërë mirë. Ne kemi edhe disa mungesa, pasi Emiliano Vila vinte pas dëmtimit”,përfundoi Martini.
