Ersil Ymeri pritet të jetë largimi i radhës te skuadra e Kukësit. Mesfushori i njohur duket se i ka dhënë fund aventurës me verilindorët, megjithëse ende nuk ka asgjë zyrtare. Mësohet se 27-vjeçari ka kërkuar “divorcin” nga drejtuesit e Kukësit, mirëpo këta të fundit s’e kanë pranuar një gjë të tillë.
I ndodhur në të tilla kushte, shkodrani ka zgjedhur mos të paraqitet fare në stërvitje duke lënë të nënkuptohet se vështirë që e ardhmja e tij do të jetë të Kukësi. Klubi i Kastriotit ka shfaqur interes për shërbimet e tij, megjithatë fillimisht duhet mbyllur bashkëpunimi zyrtarisht me kuksianët për të zgjedhur më vonë skuadrën e sezonit të ri.
Loading ...
