Mesfushori i Kukësit, Donjet Shkodra me shumë mundësi nuk do vazhdojë rrugëtimin e tij me nënkampionët e Shqipërisë, kjo pasi 29-vjeçari po mendon të largohet nga verilindorët për të nisur një eksperiencë të re në kampionatin belg.
Edhe pse futbollisti nga Prishtina ishte ndër të preferuarit kur skuadra drejtohet nga Peter Pacult, me ardhjen e Armando Cungut gjërat duket se kanë ndyshuar. Kjo gjë u vu re në ndeshjet që Kukësi luajti në Europë ku Donjeti nuk u pa si titullar.
Së fundmi mësohet se për 29-vjeçarin kanë ardhur dy oferta. Bëhet fjalë për klubet belge të Divizionit të Dytë si KSV Roseleare dhe Royal Union Saint Gilliose. Edhe pse ende nuk ka diçka konkrete, ditët e ardhshme do të jenë vendimtare, kjo pasi Shkodra pritet të ndërpresë marëveshjen kontratuale me Kukësin për të zgjedhur më pas se ku do shkojë për të vazhduar karrierën e tij futbollistike.
Lexo gjithashtu
