U dashurua herët me ngjyrën e kuqe, e shtyrë sigurisht nga babai. Tifoze e zjarrtë e Partizanit, ndërsa sot e sfumuar prej profesionit të saj. Trevisa Tufa, gazetarja e Radio Televizionit Shqiptar ndodhet në shtëpi ashtu si gjithë shqiptarët si masë e marrë për të parandaluar përhapjen e COVID 19.
Bukuroshja kryeqytetase, në një rrëfim të veçantë për Newsport.al ka treguar si po e kalon këtë periudhë, ka analizuar shkurtimisht Superioren dhe sigurisht është ndalur te vetja e saj. Idhujt në botë dhe preferencat e lojtarëve në Superligë. Në fund i duhet të zgjedhë kolegen më të përgatitur, por edhe më simpatike si dhe bën apelin e saj për të kaluar sa më shpejt këtë situatë.
- Si po e kalon këtë
periudhë karantine?
Po kalojmë një moment aspak pozitiv, por po mundohem të jem sa më mirë. Këto
ditë kam qëndruar gjatë gjithë kohës me familjen ku kam punuar nga shtëpia.
Shpresoj që e gjithë kjo të përfundojë sa më parë.
- Sa e vështirë është
të qëndrosh e izoluar?
Është shumë e vështirë në fakt, pasi siç e thashë edhe më lart gjatë kësaj
periudhe s’kam dalë aspak nga shtëpia, por e kam shijuar me familjen.
- Trevisës i mungon futbolli, mikrofoni
apo stadiumi?
Trevisës i mungojnë pafund emocionet që i dhuron futbolli, tifozët dhe
sigurisht puna që bëj.
- Jeni pro apo kundër mbylljes së
kampionatit në këto momente?
Mendoj që sezoni duhet të mbyllet normalisht pasi nuk mund të vendoset fati
i shumë skuadrave që kanë shpenzuar para në këtë mënyrë.
- E thua këtë sepse dikur ke qenë tifoze
e deklaruar e Partizanit?!
Absolutisht që jo. Ka të bëjë me gjitha skuadrat. Klubet kanë shpenzuar
para, lojtarët kanë derdhur djersën e tyre gjatë kësaj kohe. Nuk do të ishte e
drejtë as për ta, por as për tifozët.
- Por Tirana është 9
pikë para...
Mendoj se çdo ekip që është në krye të tabelës është me meritën e vet.
Megjithata kampionati s’ka përfunduar.
- Ai ekipi që ju nuk preferoni t’i përmendni edhe emrin quhet Tirana dhe është skuadra më e titulluar në Shqipëri!
(Qesh) Çdo ekip meriton respektin e vet qoftë Tirana, Dinamo, Partizani, Vllaznia etj.
- Si janë marrëdhëniet e tua me futbollistët?
Kam marrëdhënie korrekte. I respektoj dhe më respektojnë.
- A je ndjerë e paragjykuar pasi je bërë pjesë e gazetarisë sportive?
Absolutisht që jo! Jam ndjerë mirë dhe kam marrë gjithnjë komente pozitive.
- Kë lojtar ke idhull në botë dhe kush është më i bukuri në Shqipëri?
Nëse do të ktheheshim pas në kohë do të thoja Del Pieron, por gjithësesi do të qëndroj te numri 10, te Juventus. Dybala është një nga lojtarët që më pëlqen shumë. Përsa i përket lojtarëve të Superligës s’kam ndonjë preferencë.
- Por të luash në
elitë, jo domosdo do të thotë të jesh i bukur. Futbollistët ekzistojnë dhe në kategoritë
inferiore…
(Qesh)
- Beqare apo në një
marrëdhënie?
Beqare.
- Biond apo brun?
S’ka rëndësi nëse është biond apo brun. S’është kam ndonjë preferencë të veçantë.
- Juventus dhe Partizani, dy ekipet
kampione në fuqi. Froni për “Zonjën” duke më se i arritshëm. Për Partizani është
zbehur shumë. Mendimi juaj?
Edhe nëse sezoni do të rifillojë sërish në Itali, Juventus sërish do të shpallet
kampion. Ndërsa Partizani ka pasur një sezon të trazuar.
- E ardhmja juaj në
RTSH apo keni plane të tjera?
Jam shumë e kënaqur me punën në RTSH Sport dhe s’mendoj largimin diku tjetër.
- Jeni e detyruar të zgjidhni vetëm një
emër: Cila nga koleget e tua është më e përgatitur në RTSH?
Mendoj se të treja kanë njohuri shumë të mira. Të treja e bëjnë punën siç
duhet, me pasion dhe përkushtim. Pastaj nëse do të zgjidhja një, nuk do të
mundja, pasi secila ka veçoritë e saj.
- Po më e bukura? (Vetëm një emër)
Shumë në siklet po më vendos me këto pyetjet (Qesh).
- Një gazetare s’mund
të vihet kurrë në siklet…
Po, por kur je nga ana tjetër besoj që e dini se është ndryshe.
- Megjithatë vijojmë
me pyetjen e mësipërme. Cila është më e bukura, Hygerta, Pejana apo Sabina?
Atëherë meqenëse më duhet të zgjedh, Pejana është akoma më e bukur tani. Është
në pritje të fëmijës së parë dhe bebi e ka zbukuruar. Jam shumë e lumtur.
- Diçka të fundit apo
s’ke?
Dua të bëj një apel të shkurtër për gjithë shqiptarët. Të zbatojmë të
gjitha rregullat, ta bëjmë për vete dhe të afërmit tanë në këtë periudhë të vështirë
të Coronavirusit. Kemi kuptuar që s’kemi të bëjmë me një shaka. Vetëm duke
zbatuar rregullat do të kemi mundësinë që shumë shpejt të përqafojmë njerëzit që
duam. /Retin TOKA/
Lexo gjithashtu
