Gilman Lika u nda nga Vllaznia fundin e sezonit që shkoi. Ish-kapiteni i kuqebluve prej asaj kohe nuk është në aktivitet me asnjë skuadër, duke qëndruar në pritje për ofertat konkrete. 34 vjeçari ka tre pista të mundshme për t'u transferuar në merkaton e janarit.
Kategoria Superiore në Shqipëri, Kategoria e Parë dhe pista Kosovë mbeten ende në lojë. Apolonia kërkoi konkretisht veteranin, ndërsa oferta e tyre nuk ishte bindëse. Nga Kategoria e Parë mësohet se ka qenë Egnatia që ka tentuar të afrojë Likën, teksa te rrogozhinasit është edhe Ndriçim Shtubina.
Lojtari duket se kërkon kushte financiare, duke mos u ulur nga pretendimet. Nuk është çudi që Lika të bashkohet së shpejti edhe me Drenicën në Kosovë, teksa disa ditë më parë për Newsport.al konfirmoi bisedimet me disa skuadra.
Lexo gjithashtu
