Portugalia u kualifikua në limite për 1/8-at e europianit. Ndeshja e fundit dhuroi spektakël duke u shënuar shumë gola nga të dyja skuadrat, plot gjashtë. Dy gola u shënuan nga ylli i Real Madridit, Crisitiano Ronaldo, duke i mjaftuar skuadrës së Santosh-it për të vijuar më tej. I pyetur nga mediat, për mënyrën e lojës që bën,ku kohët e fundit Santosh ka preferuar rreshtimin klasik 4-4-2, me Ronaldon dhe Nanin në vijën e parë. dhe nëse ky ndryshim ka të bëjë me faktin që Ronaldo përshtatet më shumë trajneri tha:
“Kjo qëndron, por vendimi për të aplikuar këtë vendosje nuk lidhet vetëm me Ronaldon. Portugalia nuk është vetëm Crtistiano Ronaldo, ndonëse më duhet ta pranoj ai është shumë i rëndësishëm për ne”.
Më tej tekniku shpjegoi pse Portugalia është më mirë me 4-4-2.
“Nëse e aktivizojmë Ronaldon me rreshtimin 4-3-3, nuk do të ketë mundësi të tregojë të gjithë potencialin e tij. Kjo është e paimagjinueshme. Nëse ai spostohet në të majtë, skuadra ekspozohet ndaj problemeve në mbrojtje. Është më mirë që ai ta sulmojë mbrojtjen kundërshtare dhe të tentojë portën. Për karakteristikat që ka, Ronaldo ka nevojë për hapësira dhe liri veprimi”.
