Superliga ka mbyllur javën e 16-të me takimin e fundit mes Teutës dhe Kastriotit. Ndeshja e zhvilluar në stadiumin Niko Dovana, u mbyll me shifrat 2-0 në favor të “Djemve të Detit”. 3 pikët e arritura ditën e sotme kanë ndezuar garën në fundin e tabelës, pasi kan çuar në 1 pikë diferencën mes tyre.
Teuta është rikthyer te fitorja pas mbylljes së vitit 2022 me disfatën 4-0 në Shkodër. Starti i këtij viti për ekipin e Teutës është i mbarë pasi nis me fitore ndaj një rivali direkt. Në fundin e takimit ishte trajneri Tetuës, Edi Martini i cili foli për mikrofonin e Oversport.
Deklarata e trajnerit Edi Martini:
"Një ndeshje shumë delikate dhe shumë e rëndësishme kjo fitore. Mungesat ka bërë punën e saj, por jemi munduar të bindim çdo lojtar që do ishte në lojë, për të treguar se ai ka vlerë dhe prandaj është në atë formacion.
Luajtën shumë mirë dhe dhanë maksimumin e tyre. I përgëzoj çunat pasi kur luan për herë të parë në formacion emocionet janë shumë të mëdha dhe kjo ndikon.
Oshafi dhe Çejku janë lojtër të rinj dhe kanë një të ardhme të madhe përpara.
Kampionati dhe Kupa, janë shumë ndeshje. Ne presim një sulmues që na jep siguri në lojë. Janari është shumë problem dhe duhet të jemi shumë të kujdesshëm.
Kallaku: Shpresoj që po. Mendoj që në sfidën e kupës do të jetë në lojë.
Ndryshimi: Unë kam një kofidencë me lojtarët dhe njoh mirë shumë mentalitetin e tyre. I kam kërkuar që të shohin veten në pasqyrë dhe të njohin se kush janë. Duhet të besojnë te forca dhe talenti që kanë në këmbët e tyre."
Lexo gjithashtu
