Sot, trajneri Ze Maria ka dalë në konferencë për shtyp ku ka folur në prag të ndeshjes kundër Kamzës. Tekniku brazilian ka komentuar gjendjen e skuadrës, por nuk ka lënë pa përmendur edhe tifozët e Tiranës, të cilët i pret të jenë të shumtë në shkallët e stadiumit.
– Pas miqësores ndaj Prishtinës keni deklaruar që nuk do ta shihni më atë paraqitje. Mendoni që është ok gjëndja e skuadrës?
Po është e vërtetë që e kam thënë atë gjë. Humbëm ndaj Prishtinës pasi ishim në një ditë të keqe. Duke shtuar edhe gjëndjen e skuadrës e cila ishte e rënduar pas një faze shumë të fortë dhe intensive dhe ajo paraqitje është dicka normale. Por tani, pas përgatitjeve jemi gati dhe presim të qetë startin e kampionatit.
– Debutimi juaj në Superiore. Si është morali i skuadrës?
Në të vërtetë nuk e njoh shumë Superioren dhe është ndeshja ime e parë por njoh shumë mirë ligat e tjera të Europës dhe mendoj që futbolli luhet i njëjtë si në Brazil si në Spanjë apo Itali. E rëndësishme është të luftosh dhe njerëzit këtu nuk e pranojnë vendin e dytë. Nesër duhet të luftojmë dhe të mendojmë vetëm se çfarë duhet të bëjmë ne. Të tregojmë forcë dhe dëshirë për fitore.
– Ende herët për objektiva, por a i premtoni tifozëve Titullin Kampion apo qoftë Kupat e Europës?
Le ta fillojmë një herë kampionatin. Mentaliteti këtu nuk ndryshon kurrë. Duhet të luftojmë për ngjyrat e fanellës dhe në çdo ndeshje të kërkojmë fitoren. Sigurisht që është ende shumë herët por tifozëve ju premtoj që çdo futbollist do të japi 200% të mundësive të tij. Jua kam thënë edhe lojtarëve, nëse sme japin 100% në stërvitje, atëherë nuk mund të luajnë me mua. Luajmë për fitore dhe ky është mentaliteti ynë.
– E keni tani skuadrën që deshet në fillim të përgatitjeve?
Klubi më ka sjellë lojtarë me kualitet por duhet kohëpër tu përshtatur. Stërvitemi ndryshe nga ekipet e tjera dhe prandaj kërkon kohën e duhur gjithçka. Do doja edhe një sulmues pasi Ngoo kërkon edhe një muaj deri në rikthimin në fushë. Moçka gjithashtu sapo erdhi. Tirana e vërtetë do të jetë pas ndeshjes së tretë. Do isha I lumtur nëse në tre ndeshjet e para tregojmë forcë dhe karakter duke marrë 3 pikët çka janë më të rëndësishmet, por e vështirë do të jetë ndaj skuadrave të vogla pasi lujanë ndaj Tiranës, klubit më të madh në Shqipëri dhe gjithmonë do të tentojnë të japin më tepër për të rënë në sy.
– A është Tirana aq e bukur sa fanella e prezantuar?
Uniforma është shumë e bukur. Më pëlqeu shumë. Jemi stërvitur shumë mirë dhe mentaliteti ynë, ashtu siç e thashë dhe më lart është që të zhvillojmë ndeshje të mira dhe të marrim fitore, pasi triumfet me paraqitje pozitive ngelen dhe në mendjen e tifozëve.
– Ashtu siç e thatë, Tirana klub i madh. A premtoni fitoren në Derbi?
Është ende herët për të folur për atë ndeshje. Kemi edhe 5 takime të tjera përpara, kështu që çdo gjë në kohën e saj.
Loading ...
