Trajneri i Shqipërisë, Gianni De Biasi, ka bërë disa deklarata në lidhje me Elseid Hysajn dhe me rritjen e tij si lojtar. I kontaktuar nga mediat italiane, ai ka deklaruar se Hysaj ka ardhur vetëm në rritje si lojtar dhe se ka karakter dhe mentalitet fituesi. Më tepër tekniku kuqezi tregon sesi ai fitoi vendin e titullarit dhe sesi vazhdon ta mbajë.
“Me mua ai bëri debutimin e tij kundër Norvegjisë. Nga kur filloi të aktivizohej, kurrë nuk e humbi vendin e fituar, ka cilësi teknike dhe fizike dhe ka grintë të madhe në të djathtë ose në të majtë. Është shumë i shpejtë. Mbron mirë dhe ka përmirësim të madh. Nuk ndjehet në presion, ka personalitet fituesi. “