Trajneri Daja nuk e preferon, dy skuadra të Superiores në garë për sulmuesin e Skënderbeut

Sergio Junior është emri i parë që mund të largohet nga kampionët pas afrimit në skuadër të trajnerit Ilir Daja. Sulmuesi Brazilian nuk preferohet nga tekniku kryeqytetas, megjithatë problem mbetet kontrata e këtij të fundit.

Në këtë mënyrë drejtuesit bardhekuq janë vënë në lëvizje për ta huazuar brazilianin. Laçi dhe Korabi janë dy pretendentët kryesorë për të përfituar shërbimet e tij, megjithatë kjo do të mësohet në orët në vazhdim.

Kujtojmë që Junior u afrua te Skënderbeu pas një aventure në Kosovë. Por, hapësirat për të në formacionin e Agostinelit nuk kanë qenë të shumta, pasi reparti i sulmit është i mbipopulluar te kampionët.