
Argjentina do të përballet nesër me Poloninë në orën 20:00 për të zhvilluar ndoshta ndeshjen më të rëndësishme të viteve të fundit për latinët. Fitorja është detyrim për ekipin e Messit për të siguruar kalimin në fazën me eleminim direkt. Trajneri Scaloni foli në konferencën për shtyp përpara ndeshjes.
“Ne vijmë me një injektim të madh konfidence pas fitores me Meksikën dhe kjo do të jetë një ndihmesë shumë e madhe për ne. E dimë se çfarë rrugëtimi kemi para. Diferenca me Botërorin e Rusisë? Nuk karahasohen dot, ka skenarë të ndryshëm dhe lojtarë të ndryshëm. Ne futemi për fitore në çdo ndeshje. Polonia ka një ekip solid dhe jo më kot është në vendin e parë por ne do të bëjmë gjithçka për të arritur te suksesi.”- u shpreh tekniku argjentinas.