Mediat kosovare bëjnë me dije se kalimi i lojtarëve që kanë zgjedhur të luajnë për fanellën e Kosovës ende nuk është zyrtarizuar. Vendimi merret nesër për të gjithë që kanë zgjedhur të përfaqësojnë ngjyrat e shtetit më të ri në Europë dhe Botë.
Të avantazhuar janë lojtarët që kanë luajtur vetëm me kombëtaret e moshave të shteteve të ndryshme, ndërsa ata që kanë luajtur për ekipet e para, e kanë më të vështirë që të kalojnë te Kosova. Vendimi pritet që të merret nesër në zyrat e FIFA-s, i cili do të jetë final për të gjithë që duan të përfaqësojnë Kosovën.
Aktualisht, i vetmi rast që është refuzuar është ai i Mërgim Brahimit, i cili ka luajtur për moshat e Zvicrës, moshat dhe ekipin e parë të Shqipërisë, ndërsa u kthye sërish te Zvicra, duke e djegur mundësinë për përfaqësimin e Kosovës.
Lexo gjithashtu
